Министрдин орун басары А. Тургунбаев ТРАСЕКАнын бизнес-коомчулугунун өкүлдөрү менен жолугушту

Кыргыз Республикасынын Транспорт жана коммуникациялар министрлигинде министрдин орун басары Тургунбаев Алмаз Абдылдаевичтин ТРАСЕКАнын Ишкердик кеңешинин негизги жоболорунун долбоорун талкуулоо боюнча өлкөнүн бизнес-коомчулугунун өкүлдөрү менен жумушчу жолугушуусу болуп өттү. Министрлик мамлекет менен бизнестин ортосундагы системалуу диалог үчүн аянтча катары Ишкер кеңешти түзүүнү активдүү илгерилетүүнүн демилгечиси болуп саналат. Бул демилгенин негизги максаты — ата мекендик жүк ташуучулар үчүн жагымдуу шарттарды түзүү, алардын кызыкчылыктарын коргоо жана эл аралык кызматташтыктын алкагында чечимдерди кабыл алууда бизнестин позициясын эске алууну камсыз кылуу.Жолугушуунун жүрүшүндө кыргыз жүк ташуучулары эл аралык ташууларды жүргүзүүдө кезиктирген актуалдуу маселелер каралып, аларды эл аралык деңгээлде андан ары көрсөтүү үчүн консолидацияланган сунуштарды иштеп чыгуунун мүмкүн болгон механизмдери талкууланды.Бизнес-коомчулуктун өкүлдөрү Ишкердик кеңешти түзүүгө кызыкдар экендиктерин билдиришип, тармактын көйгөйлөрүн талкуулоо жана аларды чечүү боюнча биргелешкен сунуштарды даярдоо үчүн туруктуу аянтчаны түзүүнүн маанилүүлүгүн белгилешти.Ишкердик кеңешти түзүү мамлекет менен бизнестин системалуу өз ара аракеттенүүсүн камсыздоого, административдик тоскоолдуктарды азайтууга жана улуттук транспорттук компаниялардын атаандаштыкка жөндөмдүүлүгүн жогорулатууга мүмкүндүк берет.Кыргыз Республикасынын Транспорт жана коммуникациялар министрлиги транспорт тармагын өнүктүрүүгө жана кыргыз жүк ташуучуларынын эл аралык каттамдардагы позициясын бекемдөөгө багытталган ырааттуу ишин улантат.