Ашуулардагы абал: Жол ачык, унаа кыймылына чектөө жок

Бүгүн, 1-ноябрга карата өлкөнүн ашуулары менен жолдорунда унаа кыймылына чектөө жок, жол ачык. Транспорт жана коммуникациялар министрлигине караштуу Жол тейлөө ишканаларынын кызматкерлери өздөрүнө бөлүнгөн аймакты толук көзөмөлдөп, зарыл учурда жолго кум-туз аралашмасын чачып жатышат. Ошондой эле, ашууларга жана башка өлкө жолдоруна инерттик материалдар жеткирилип, алдын-ала жол четине төгүлүп, даярдалууда.

Транспорт жана коммуникациялар министрлигинин алдындагы «Кыргызавтожол» мамлекеттик ишканасы кыш мезгилинде жолдорду кармоо жана тазалоо үчүн керектеле турган техникаларды даярдап, учурда атайын техникалардын 88% камдалды.

Пландалган 488 техниканын азыркы учурда 432си даярдалды.

 

№	Техникалар	Керектелет	Даярдалды	%
	Автогрейдер	129	119	92%
	Бульдозер	49	30	61%
	Кар тазалоочу техника	49	39	79,5%
	Автосамосвал	180	180	100%
	Погрузчик	81	64	79%

 

Транспорт жана коммуникациялар министрлигинин маалымат кызматы