Нарын–Оруктам унаа жолунун 5,5 чакырымында асфальт төшөө иштери кызуу жүрүүдө

Нарын облусунда жол инфраструктурасын жакшыртуу максатындагы иштер уланууда.

2026-жылга карата титулдук тизмеге ылайык, Нарын–Оруктам унаа жолунун 9,5–15-чакырым аралыгындагы 5,5 чакырым тилкеге асфальт-бетон төшөө каралган.

Учурда №8 Жол эксплуатациялоо мекемеси тарабынан курулуш иштери бекитилген графикке ылайык кызуу уланып, асфальт-бетон аралашмасы төшөлүүдө.

Жол куруу жана оңдоо иштери аймактардын транспорттук байланышын жакшыртып, жол кыймылынын коопсуздугун жана жашоочулар үчүн ыңгайлуулукту арттырууга багытталган.

Транспорт жана коммуникациялар министрлигинин мааалымат кызматы