Нарын-Жаңы-Жол унаа жолу ачылды

Нарын районуна караштуу Нарын-Жаңы-Жол унаа жолун убактылуу ачуу боюнча атайын комиссиялык кароо жүргүзүлгөн.

Комиссиянын курамында райондук мамлекеттик администрациясынын өкүлдөрү, тиешелүү мекемелердин кызматкерлери жана адистер катышып, жолдун абалы жеринде текшерилген.

Жүргүзүлгөн кароонун жыйынтыгында, №41 Жол тейлөө ишканасы тарабынан жолду тазалоо, кеңейтүү жана коопсуз абалга келтирүү боюнча иштер аткарылганы белгиленди.

Белгилей кетсек, Нарын-Жаңы-Жол унаа жолу ачылып, аба ырайына жараша көзөмөл астында пайдаланууга берилди.

🚧 Жарандардан жолдо жүрүүдө коопсуздук эрежелерин сактоону жана аба ырайынын шарттарын эске алууну өтүнөбүз.

Транспорт жана коммуникациялар министрлигинин маалымат кызматы