Баткен: Зардалы айылына барчу жолдун курулуш иштери аяктады

Баткен облусунун Зардалы айылына барчу Сары-Талаа-Кызыл-Таш-Зардалы жолунун курулушу аяктап, пайдаланууга берилди.

Аталган жолго узундугу 30 метр болгон темир көпүрө курулду.

Эске салсак, Президент Садыр Жапаров 2024-жылдын 29-сентябрында Зардалы айылына барып, эл менен жолугушууда келерки жылы кыштакка барчу жолду салуу башталарын, электр энергиясы менен камсыз кылуу, чакан ГЭС салуу иштери жүргүзөлөрүн билдирген.

Зардалы — Баткен облусунун бийик тоолуу, жетүүгө кыйын аймактагы айылы.

Транспорт жана коммуникациялар министрлигинин маалымат кызматы