11 айда 13 миң 600 жол белгиси чыгарылды
- 7 просм.
Транспорт жана коммуникациялар министрлигине караштуу “Өндүрүштүк-инновациялык борбор” мамлекеттик мекемеси 2024-жылдын 11 айында 13 миң 600 даана жол белгисин чыгарды.
Мындан тышкары, мамлекеттик мекеме тарабынан 13 миң даана катафот, 18 миң темир мамыча жасалды.
Белгилей кетсек, “Өндүрүштүк-инновациялык борбор” мамлекеттик мекемеси Жол тейлөө ишканаларына келишимдин негизинде жол белгилер менен камсыздап келет.
Азыркы тапта да жети дубан жолдорунда эскилиги жеткен жол белгилерин алмаштыруу иштери кызуу жүрүп жатат.
Транспорт жана коммуникациялар министрлигинин маалымат кызматы