Өлкөнүн ашууларында жана жолдорунда унаалардын жүрүүсүнө чектөө жок
- 96 просм.
Бүгүн, 13-февралда Транспорт жана коммуникациялар министрлигине караштуу Жол тейлөө ишканаларынын кызматкерлери өздөрүнө бөлүнгөн аймакты толук көзөмөлдөөдө.
Суусамыр-Талас-Тараз автожолунун 36-84-чакырымдарында кардан тазалоо жана кум себүү иштери №36 Жол тейлөө ишканасынын жумушчулары тарабынан жүргүзүлүүдө.
Чыйырчык, Өтмөк, Долон, Сөөк , Ала-Бел, Талдык, Тон-Мурун, Төө-Ашуу, Чапчыма ашууларында жолчулар инерттик материалдарды үзгүлтүксүз чачышууда, жол ачык.
Ушундай эле иштер Түп-Кеген, Мырзаке-Кара-Кулжа-Алайкуу автожолдорунда дагы жүрүүдө.
Транспорт жана коммуникациялар министрлиги тоолуу аймактар жана ашуулар аркылуу жол тарта турган айдоочуларды жанына күрөк менен чынжырчаларды алып жүрүү менен катар жол эрежелерин так сактоого чакырат.
![](https://mtd.gov.kg/wp-content/uploads/2024/02/29032021-13-1.jpg)