Оор жүк ташыган унаалардын айдоочуларынын күтүлбөгөн жерден көңүлү көтөрүлдү
- 174 просм.
Транспорт жана коммуникациялар министрлигине караштуу Жерде жүрүүчү жана суу транспорту департаментинин инспекторлору күтүлбөгөн жерден айдоочулардын көңүлүн көтөрүп, Жаңы жылга карата атайын даярдалган белектерди беришти.
Сокулук районундагы “Маловодное” транспорттук көзөмөл пункттунун кызматкерлери алгач оор жүк ташыган унааларды токтотуп, таразага тартуу менен тиешелүү документтерин текшерген соң таттуулар салынган баштыкча менен ашууларда чынжыр байлап, күрөк кармаганга керектүү кол каптарды тапшырды.
Таразалардын негизги функциясы — бул элден акча чогултуу эмес, жаңы салынган жолдорду талкалоого жол бербөө болуп саналарын белгилеген кызматкерлер айдоочулардан ашыкча жүк жүктөөдөн алыс болуп, унаа жолдордун сапатын сактоого салым кошууга чакырды.
Транспорт жана коммуникациялар министрлигинин маалымат кызматы