Ош облусундагы жолдорду оңдоо иштери кызуу жүрүүдө. Асфальт төшөлүп жаткан жолдордун тизмеси
- 642 просм.
Президент Садыр Жапаровдун тапшырмасына ылайык, мамлекеттик бюджеттен Ош облусу боюнча учурда жолдорго асфальт төшөө иштери кызуу жүрүүдө. Ага ылайык, Кара-Суу районунун Ак-Терек-Папан-Кожокелең унаа жолунун 14,5-19,5-чакырым аралыгына асфальт жаткырылууда. План боюнча 5 чакырым жол оңдолот. Бүгүнкү күндө 2,3 чакырымда жумуштар аяктады. Ал эми Кара-Кулжа районунун Мырзаке-Кара-Кулжа-Алайкуу унаа жолун оңдоо иштери кызуу жүрүп жатат, жалпы 7,2 чакырым жолго асфальт жаткырылат. Ошондой эле, Ноокат районунун Ноокат-Араван унаа жолуна асфальт төшөө иштери аягына чыгуу алдында турат. Жалпы оңдоло турчу 4 чакырым жолдун 3,2 чакырымында жумуштар аяктады.
Мындан тышкары, Алай районунун Гүлчө-Суук-Дөбө унаа жолунун 14,9 – 18,9 чакырым аралыгына жана Араван районунун Араван-Маңгыт (Октябрь айылы аркылуу) унаа жолунун 3 чакырымына асфальт жаткырылды.
Жеринде аймактарды тейлеген жолчулар иштеп жатышат. Жолдор бардык нормаларга ылайык салынууда.
КРдин ТжКМдин басма сөз кызматы