mtd@mtd.gov.kg
+996 (312) 314 385
KG   RU   EN

3-вгуст күнү Пишпек кичи районундагы темир жолчулардын клубунда салтанаттуу жыйын болуп өттү.

 Ага Кыргыз Республикасынын Транспорт жана жол министринин орун басары Азимкан Жусубалиев катышып, темир жолчуларды куттуктады. Ошондой эле министрликтин Ардак грамоталарын тапшырды.

Ал эми темир жол тармагындагы эң башкы сыйлык болгон “Ардактуу темир жолчу” наамына жүктөрдү ташуу башкармалыгынын башчысынын орун басары Тилек Турсалиев жана эл аралык кызматташтык секторунун башкы адиси Елена Рахимова татыктуу болду.

Мындан тышкары “Кыргыз темир жолунун эмгек сиңирген ардагери” жана “Ардак грамотасы” менен бир катар темир жолчулар сыйланышты.

Ал эми 5-август жекшемби күнү Пишпек эс алуу багында өтүүчү салтанаттуу жыйынга атайын коноктор жана темир жолчулар чакырылган. “Локомотив” спорт комплексинде футбол боюнча мелдеш өтүп, жеңүүчүлөр акчалай жана баалуу белектер менен сыйланышат.

Эске салсак, 1924-жылдын 8-августунда  “Аулие-Ата-Пишпек” темир жолу аркылуу “Пишпек” станциясына эң биринчи поезд келет. Ал кезде Кара-Кыргыз Автономиялуу областынын өкмөтү жаңыдан түзүлүп жаткан. Чоң салтанат менен биринчи поездди тосуп алышкан. Ошол күндөн тартып, “Кант-Рыбачье”, “Фрунзе-Рыбачье”, “Кант-Токмок” темир жолдорунун курулуш иштери колго алынып, курула баштаган.

1533276103_95493800 1533276073_94909300 1533276070_30710500 1533276067_72804400 1533276046_56106500 1533276040_83375700 1533276022_93577500 1533276019_41873500 1533276008_18558800 1533276004_07455500 1533276004_06575600 1533275999_90879400