Нарын шаарындагы айланма жол курулуш иштерине байланыштуу убактылуу жабылды

Бишкек–Нарын–Торугарт унаа жолунун 346-чакырымында (Арка тилкеси) айланма жолдун («Круговой») курулуш иштери жүргүзүлүп жаткандыгына байланыштуу, Нарын шаарындагы айланма (Жаңы-Жол) унаа жолу убактылуу жабылды.

Жол кыймылын коопсуз уюштуруу жана курулуш иштерин сапаттуу жүргүзүү максатында аталган тилкеде бардык унаа каражаттарынын жүрүүсүнө 20-июнга чейин чектөө киргизилет.

Министрлик айдоочулардан алдын ала маршруттарын пландап, жол белгилеринин талаптарын сактоону жана мүмкүнчүлүк болсо альтернативдүү жолдорду колдонууну өтүнөт.

Келтирилген убактылуу ыңгайсыздыктар үчүн түшүнүү менен кабыл алууну суранабыз.

Транспорт жана коммуникациялар министрлигинин маалымат кызматы