Мамлекеттик бюджеттин эсебинен  Талас облусунда 15км ашык жолго асфальт төшөлдү

Мамлекеттик бюджеттин эсебинен Таласта 15 чакырымдан ашык жолго асфальт төшөлдү

 2024-жылдын курулуш мезгилинде Талас облусу боюнча 15 чакырымга асфальт төшөө ишери өз убагында аткарылып жатат. Талас облусунун №47 Жол тейлөө ишканасы тарабынан капиталдык салымдар беренесинин ылайык, Ак-Дөбө-Кызыл-Чарба унаа жолуна 2 км асфальт төшөө пландалып, асфальт төшөөгө жер негиздерин даярдоо иштери жүрүп жатат. Учурда жолго кум шагыл аралашмасы төгүлүп бүттү.

Айтматов районундагы №6-Жол тейлөө ишканасы  тарабынан титулдук тизменин негизинде Көк-Сай – Кайнар жолуна 1,5км жана Көк-Сай-Арчагүл унаа жолдоруна  3420метр асфальт төшөлдү. Мындан тышкары, Бакайыр айылындагы Манас көчөсүндө 1км асфальт төшөлүп бүттү. №6-ЖТИнын кызматкерлери асфальт төшөөдөн тышкары  аң-чөнөктөрдү оңдоо, жолдун четин тазалоо жана  жол сызыктарын чийүү, аялдамаларды актап-сырдоо жана тазалоо  иштерин толугу менен аткарышты.

Ал эми №19 ЖЭИ тарабынан Талас-Нылды-Покровка унаа жолунда 1250 метр асфальт төшөлдү жана Талас районунда 1134 метрге  асфальт төшөө толугу менен аяктады. Көк-Ой-Кызыл-Туу-Манас-Күмбөз унаа жолунда асфальт төшөө иштери жүрүүдө. План боюнча 3 км каралып, бүгүнкү күндө 2120метрге асфальт төшөлдү. Сары-Булак айылына баруучу  жолго 600 метр асфальт төшөө иштери аяктаган.

Ошондой эле №36 Жол тейлөө ишканасы тарабынан Суусамыр-Талас-Тараз унаа жолунда жалпысынын жер-жери менен 3 км асфальт төшөлдү.

№48 ЖЭИ Капиталдык салымдар беренесинин негизинде Тараз-Покровка-Кайынды унаа жолунда 3 км асфальт төшөө иштери аяктаган. Быйылкы жылдын планы боюнча Талас облусунда мамлекеттик бюждеттин эсебинен 36 км асфальт төшөө пландалып жатат.

КР ТжКМ маалымат кызматы