Арал-Казарман унаа жолу: Бир тараптуу каттам берилди

Түндүк-Түштүк альтернативдик унаа жолунун 250-255-чакырымдар аралыгы (Арал-Казарман тилкеси) тазаланып, бир тараптуу каттам берилди. Азыркы тапта № 18 Жол тейлөө ишканасы тарабынан тазалоо иштери уланууда.

Белгилей кетсек, 23-июнь күнү кечки саат 18:00дор чамасында Түндүк-Түштүк альтернативдик унаа жолунун 250-255-чакырымдар аралыгында сел жүрүп, жол убактылуу жабылган. Сел агымынын көлөмү болжол менен 12 000 м3ду түзөт.

Транспорт жана коммуникациялар министрлигинин маалымат кызматы