Оор жүк ташуучу унааларга болгон көзөмөл жакшы натыйжаларга өбөлгө болот
- 244 просм.
КРдин Транспорт жана коммуникациялар министрлигинин Жерде жүрүүчү жана суу транспорту департаментинин Ысык-Көл аймактык башкармалыгынын кызматкерлери Ак-Суу районунун Теплоключенка айылында жайгашкан карьерден чыккан оор жүк ташуучу унааларды текшерүүгө алышты.
Бул рейд Ак-Суу районунун жергиликтүү бийлик өкүлдөрү жана жол кайгуул кызматкерлери менен бирге жүрдү. Анда, алар оор жүк ташуучу унаалардын документтерин, мыйзамда көрсөтүлгөн максималдык салмагын текшеришти. Рейддин жыйынтыгында мыйзам талаптарын сактабаган 2 айдоочуунун ар бирине 17500 сомдон айып пул салынды.
Бул жерде белгилей кетүүчү жагдай, мындай көзөмөлдүн негизги максаты салынган жолдордун сапатын сактоо жана талкалоого жол бербөө болуп саналарын белгилейбиз.