Асфальт төшөө, айлананы тазалоо, жол белгилерин актап, сырдап, алмаштыруу… Жолчулар тарабынан аткарылган иштердин түрмөгү
- 346 просм.
Ош облусуна караштуу Ош – Мамажан (Маданият-Мамажан) унаа жолуна асфальт төшөө иштери жүрүүдө. Жалпы 3 чакырым узундуктагы жолдун учурда 700 метр жери жасалды.
Ак-Суу районундагы Челпек айылынын жолуна асфальт төшөлүүдө.
Ат-Башы районундагы ички көчөлөрдү асфальттоо жумуштары башталды.
Жол кырсыктарын алдын алуу максатында Ош-Баткен-Раззаков унаа жолунун (жаңы багыты) кооптуу бурулуштарына жарык берип, түн ичинде алыстан көрүнө турган шпилькалар орнотулууда.
Суусамыр-Талас-Тараз жолунун 13-чакырымында жол жээги кеңейтилип жатат.
Бишкек-Нарын-Торугарт унаа жолунун 221-271-чакырым аралыгында жол боюндагы сигналдык мамычаларга жарык берүүчү ленталар чапталды.
Суусамыр-Талас-Тараз жолундагы Өтмөк ашуусунда жол четине ыргытылган таштандылар тазаланды.
Нарын-Баетов унаа жолунун 14-83-чакырым аралыгындагы жол белгилерин актап, сырдап, айлананы тазалоо иштери жүрдү.
Бөкөнбаев-Тосор-Жылуу-Суу унаа жолундагы Тосор ашуусунун жолу тазаланып, тегизделди.