2023-жылдын 19-октябрында Бишкек — Ош автожолунун Маданият-Жалал-Абад участогунда пресс-тур болуп өттү
- 238 просм.
2023-жылдын 19-октябрында Бишкек — Ош автожолунун Маданият-Жалал-Абад участогунда пресс-тур болуп өттү
IV Фаза, “БАРЭК 3 коридорун жакшыртуу боюнча долбоорунун” (Бишкек-Ош автожолу) алкагында, Бишкек – Ош автожолунун 507,5км — 574,8-км участогун реконструкциялоо
Кыргыз Республикасында Бишкек-Ош автожолунун 67 чакырымдык бөлүгүн реконструкциялоо долбоору аяктоодо. 2018-жылы башталган бул долбоор — өлкөнүн негизги транспорттук магистралдарын модернизациялоо боюнча Өкмөттүн артыкчылыктарынын бир бөлүгү болуп саналат.
Долбоордун негизги мүнөздөмөлөрү
- Узундугу: — 67,3 км
- Консультант: — Renardet (Швейцария)
- Подрядчы: — AZVIRT ( (Азербайжан)
- Долбоордун башталган датасы: — 29-июнь, 2018-жыл
- Долбоордун аяктоо датасы: — 31-август, 2023-жыл
- Кемчиликтер үчүн жоопкерчилик мөөнөтү: — 2025-жылдын 30- апрелине чейин.
Иштер жана инфраструктура
Долбоор иштин кеңири спектрин жана инфраструктурасын камтыйт::
- Жол катмары: жаңыланган жол II техникалык категорияга кирет, бул ишенимдүүлүктүн жана өткөрүү жөндөмдүүлүгүнүн жогорку талаптарын билдирет;
- Тилкенин туурасы: калктуу конуштарда жолдун туурасы 3.5 метр болгон төрт тилкеден, ал эми калктуу эмес жерлерде 3.75 метр болгон эки тилкеден турат. Бул жолдо ыңгайлуу трафикти жана коопсуздукту камсыз кылат;
- Көпүрөлөр жана суу өткөргүчтөр: долбоор ар кандай табигый шарттарда жолдун өтүмдүүлүгүн камсыз кылуу үчүн, 9 көпүрө жана 188 суу өткөрүүчү түтүктөрдү камтыйт;
- Жол коопсуздугу: коопсуздукту камсыз кылуу үчүн жөө жүргүнчүлөр үчүн тосмолор, бийик дөбөлөрдөгү тосмолор, светофорлор жана сигнал түркүктөрү каралган;
- Экологиялык түзүм: долбоордун алкагында 36 миң көчөт отургузулууда, бул жаратылыш чөйрөсүн сактоого өбөлгө түзөт;
- Аяктоо жана кепилдик мөөнөтү: негизги курулуш иштери аяктап, учурда тротуарларды куруу, көчөлөрдү жарыктандыруу, дренаждык лотокторду жана башка инфраструктуралык элементтерди орнотуу иштери жүргүзүлүүдө. Долбоорго ылайык, кепилдик мөөнөтү 2025-жылдын апрелине чейин созулат.
Экономикалык жана социалдык таасири
“БАРЭК 3 коридорун — Бишкек-Ош автожолу, 4-фаза, Маданият-Жалал-Абад участогун жакшыртуу боюнча долбоор” — Маданият айылы менен Жалал-Абад шаарынын ортосундагы автожолдун 67км-ге жакын жолду калыбына келтирүү жана реабилитациялоо жолу менен, улуттук жана региондук байланышты жакшыртууга мүмкүндүк берет. Долбоордун жыйынтыгы — Кочкор-Ата, Массы жана Базар-Коргон калктуу пункттары аркылуу өткөн Бишкек-Ош автожолунун 67-чакырымын бойлой жүк жана жүргүнчүлөрдү ташуунун натыйжалуу кыймылы. Долбоорду ишке ашыруу -улуттук жана региондук сооданы жеңилдетет, ошондой эле айылдык калктуу конуштардын рынокторго жеткиликтүүлүгүн жакшыртат, бул региондун экономикалык өнүгүүсүн тездетет.
Жыйынтык
Бишкек-Ош автожолун реконструкциялоо долбоору — Кыргызстан үчүн маанилүү кадам болуп саналат, өлкөнүн инфраструктурасын чыңдап, анын өнүгүшүнө өбөлгө түзөт. Бул оңдоп-түзөө иштери аяктагандан кийин, жол анын бардык колдонуучулары үчүн коопсуз жана ыңгайлуу болуп, саякатчыларга жана өлкөнүн экономикасына узак жылдар бою кызмат кылат.