Транспорт министри менен делегаттардын жыйыны. Быйыл Нарында кайсы жолдор оңдолот?

Бүгүн, 4-февралда Транспорт жана коммуникациялар министри Абсаттар Сыргабаев баштаган министрликтин өкүлдөрү Нарын облусунда III Элдик курултайдын делегаттары менен жолугушту.

Ведомство жетекчиси Абсаттар Сыргабаев 2025-жылдын планына кирген Нарындагы жолдор боюнча маалымат берди.

«Арал- Миң-Куш 22 км, Нарын – Орук – Там 5 км, Баетов-Макмал 5 км, Сары-Булак-Соң-Көл 3 км, Ак—Тал-Чат-Жогорку-Май 4 км, Казарман-Акталчат 3 км, Ат-Башы-Кында-Торугарт 3 км асфальт төшөө каралды. Ал эми Нарын-Баетов унаа жолун бүтүрөбүз. Президент Жапаров Садыр Нургожоевичтин дагы койгон талабы ушул»,-деди министр Сыргабаев.

Белгилей кетсек, Курултайда жол тармагына байланыштуу Нарын облусу боюнча 40 кайрылуу түшкөн. Алардын көбү жолдордун абалы, жол куруу иштери.

Транспорт жана коммуникациялар министрлигинин маалымат кызматы