Транспорт министринин жаңы биринчи орун басары дайындалды

Бүгүн, 19-январда, Транспорт жана коммуникациялар министринин жаңы биринчи орун басары болуп Базаралиев Бекназар Токтосунович дайындалып, министрликтин эмгек жамаатына тааныштырылды.  Тиешелүү буйрукка Министрлер Кабинетинин Төрагасы Адылбек Касымалиев 16- январда кол койду.

Министр Абсаттар Сыргабаев жаңы дайындалган Б. Базаралиевди кызмат орду менен куттуктап, ишине ийгиликтерди каалады.

Ошондой эле, 16-январда Солтобаев Талантбек Осмонбекович биринчи орун басары кызматынан бошотулду.

Транспорт жана коммуникациялар министрлигинин маалымат кызматы