Министрликте жаңы дайындоо

Транспорт жана коммуникациялар министрлигинин Маалыматтык саясат секторунун башчысы болуп Динар Турдугулова дайындалды. Тиешелүү буйрукка Министр Талантбек Солтобаев кол койду. 

Динар Турдугулова 2008-жылы Бишкек Гуманитардык университетин журналистика адистиги боюнча жана 2021-жылы КРнын Президентине караштуу Мамлекеттик башкаруу академиясынын магистратурасын бүтүргөн.

— Мамлекеттик жарандык кызматтын 3-класстагы кеңешчиси.

— Маданияттын мыкты кызматкери.

* 2005-2015-жылдары “Эркин Тоо” мамлекеттик расмий гезитинде кабарчы, парламенттик кабарчы, баяндамачы, саясий бөлүмдүн жетекчиси болуп иштеген.

* 2015-2017-жылдары “Сентябрь” телекомпаниясында журналист, редактор;

* 2017-2021-жылдары КРнын Жогорку Кеңешинде улук консультант;

* 2022-2023-жыл аралыгында “Айыл Банк” ААКсында маалымат-катчы;

* 2023-2025-жылдары КРнын Жогорку Кеңешинде эксперт, депутаттын консультанты болуп эмгектенген.

Транспорт жана коммуникациялар министрлигинин маалымат кызматы