Ашууларда абал кандай?

Сосновка постунда буга чейин оор жүк ташуучу унааларга киргизилген убактылуу чектөө саат 9:30да алынды. Ал эми Арал постунда (Бишкек-Ош унаа жолу, Ала-Бел ашуусу) чектөө азырынча күчүндө.

Транспорт жана коммуникациялар министрлигинин жолчулары тарабынан түнү менен тазалоо, инерттик материалдарды себүү иштери жүргүзүлдү. Азыркы тапта да жалпы пайдалануудагы унаа жолдорго, өзгөчө тайгак тилкелерге кум-туз аралашмасын чачуу жумуштары уланууда.

Министрлик кандай кырдаал жаралбасын каршы тилкеге чыкпай, жол эрежесин так сактоо менен керектүү шаймандарды ала жүрүүгө чакырат.

Транспорт жана коммуникациялар министрлигинин маалымат кызматы