Арал-Казарман унаа жолуна кулаган таштар тазаланды

Жумгал районундагы №24 Жол тейлөө ишканасынын кызматкерлери Арал-Казарман жолунун 198-чакырымына түшкөн таштарды тазалашты. Учурда аталган жолдо каттам бар.

Мындан тышкары, № 24 Жол тейлөө ишканасы тарабынан Кочкор-Арал-Төө- Ашуу унаа жолунун 135 -159- чакырымдар аралыгындагы Арал-Кызыл-Ой участкасында жүргүнчүлөргө ыңгайлуу шарт түзүү максатында жол сүрүү (профилировка) иштери жүрөт. Аталган жумуш иштери ай сайын, муктаждыгына жараша түздөлүп турат.

Транспорт жана коммуникациялар министрлигинин маалымат кызматы