Ак-Терек-Дон-Талаа унаа жолунда орто оңдоо иштери башталды

Ысык-Көл облусунун Тоң районундагы Ак-Терек-Дон-Талаа унаа жолунда орто оңдоо иштери башталды. Аталган жолдун жалпы узундугу 15 чакырымды түзөт.

Азыркы учурда 10-11,5-чакырым аралыгында жолду кеңейтүү иштери жүргүзүлүп, сел сууларына каршы арыктарды казуу жана суу өткөрүүчү түтүктөрдү орнотууга даярдык иштери аткарылууда.

Долбоор Капиталдык салымдар беренеси аркылуу каржыланып, иштерди «Кыргызавтожол-Түндүк» мамлекеттик ишканасына караштуу №33 Жол тейлөө ишкана филиалы тарабынан жүргүзүлүүдө.

Жүргүзүлүп жаткан оңдоо иштери жолдун сапатын жогорулатууга жана узак мөөнөттүү пайдаланууну камсыздоого багытталган. Бардык иштер бекитилген долбоордук-сметалык документтерге жана техникалык талаптарга ылайык аткарылууда.

Транспорт жана коммуникациялар министрлигинин маалымат кызматы