Нарын облусу: Кында ашуусу ачылып, бир тараптуу каттам берилди

Ат-Башы-Кында-Торугарт унаа жолундагы Кында ашуусу ачылып, бир тараптуу каттам берилди. Учурда № 20 Жол тейлөө ишканасы тарабынан 33-100-чакырымдар аралыгында кар көчкү жана кар күрткү тазалоо, жолду кеңейтүү иштери жүрүүдө. Ал үчүн жеринде 1 даана жүктөгүч жана 1 даана бульдозер иштеп жатат.

Белгилей кетсек, аба ырайынын катаал шарттарына байланыштуу Ат-Башы-Кында-Торугарт жолундагы Кында ашуусу жыл сайын ноябрь айынан апрелге дейре жабык болот.

Транспорт жана коммуникациялар министрлигинин маалымат кызматы