Жол фондунун Байкоочу кеңешинин кезектеги отуруму болуп өттү

2025-жылдын 10-февралында Кыргыз Республикасынын Транспорт жана коммуникациялар министринин биринчи орун басары Т.Солтобаевдин төрагалыгы алдында  Жол фондунун Байкоочу кеңешинин кезектеги жыйыны болуп ɵттү.

Жыйынга Министрликке караштуу  Жол фондунун бɵлүм башчылары,  Кыргыз Республикасынын «АМАП КР» эл аралык автомобиль ташуулар ассоциациясынын директору Б.Мамытов, Кыргыз Республикасынын жүргүнчү ташуулар ассоциациясынын төрагасы Н.Турсунбаев, “Кыргыз Хово Транспорт” коомдук бирикмесинин тɵрагасы А. Доромбаев жана башкалар катышышты. 

Отурумда Жол фондунун директору Т.Сатимова ɵткɵн 2024-жылы Фонддун каражаттарынын пайдаланылышы боюнча отчет берди.

Байкоочу кеңешинин мүчөлөрү Фонддун директору Т.Сатимованын маалыматын угуп,  бир катар маселелер талкууланып, Байкоочу кенештин мүчөлөрү тарабынан Фондго келип түшкөн каражаттардын топтолушун жакшыртуу боюнча сунуштар киргизилди.

Байкоочу кеңештин отурумунун күн тартибинде Фонддун 2024-жылдагы ишмердүүлүгүнө байланыштуу беш маселе каралып, аткарылган иш-чаралар, 2025-жылга кирешелеринин болжолу, негизги багыттары, артыкчылыктары, жана учурдагы милдеттери каралып, аныкталды.

Жыйынтыгында Байкоочу кеңеш Фонддун 2025-жылга кирешелеринин болжолун жана Фонддун каражаттарын сарптоо планы бекитилди.

 

Министрликтин маалымат кызматы