Жол бетин сүрүп, тегиздөө иштери кызуу жүрүүдө

Кышкы тейлөө иштери менен катар жети дубанда жол бетин кырып, тегиздөө иштери кызуу жүрүүдө. Алсак, № 20 Жол тейлөө ишканасы (ЖТИ) тарабынан Ат-Башы-Кында-Торугарт унаа жолунун 5-33-чакырымдар аралыгы атайын техникалардын жардамы менен сүрүлүп, калыбына келтирилип жатат. Ал эми № 44 ЖТИнин жолчулары Ош облусундагы Тоо-Моюн-Араван унаа жолун кырып, Караван-Пахтачы жолунун жээгине шагыл төгүп, тегиздешти.

Ушундай эле жумуштар № 14 Жол тейлөө ишканасы тарабынан Сары-Булак-Соң-Көл унаа жолунун 6,5-27,0-чакырымдарында жана  Сары-Булак-Арчалы-Өрүктам жолунун 21-32-чакырымдар аралыгында аткарылууда.

Сүрүп, тегиздөө иштери № 33 ЖТИ тарабынан Бөкөнбаев-Көл-Төр-Дөң-Талаа жолунун Дөң-Талаа-Ала-Баш тилкесинде, № 8 ЖТИ тарабынан Он -Арча-Жаңы-Талап-Ашырма унаа жолунда жана № 15 Жол тейлөө ишканасы тарабынан Баетов-Макмал жолунун 8,5-90-чакырымдар аралыгында кызуу жүрүүдө.

Транспорт жана коммуникациялар министрлигинин маалымат кызматы