Жол-Чолок-Боом унаа жолунун селден жабыркаган тилкеси калыбына келтирилүүдө

Үзгүлтүксүз каттамды жана жол кыймылынын коопсуздугун камсыздоо максатында Жол–Чолок–Боом унаа жолунун 9+300-чакырымында оңдоо иштери жүрүп жатат.

Учурда “Кыргызавтожол-Түндүк” мамлекеттик ишканасынын №32 Жол тейлөө мекемеси тарабынан жол жээгин бекемдөө иштери аткарылууда.

Бетондоо жумуштары жыйынтыкталган соң бул тилкеге асфальт төшөлүп, атайын лотоктор орнотулат.

Ошондой эле, коопсуздукту камсыздоо максатында бетон тосмолору да коюлат.

Транспорт жана коммуникациялар министрлигинин маалымат кызматы