Жалал-Абад облусу: Эки көпүрөнүн курулушу кызуу жүрүүдө

Сузак районуна караган Дмитриевка-Кара-Алма унаа жолунун 5-чакырымындагы көпүрөнүн курулуш иштери кызуу жүрүүдө. Бүгүнкү күндө министрликке караштуу “Кыргызавтожол-Түштүк” МИнин № 31 Жол тейлөө ишканасы (ЖТИ) тарабынан бетон дубал куюу жумуштары аткарылып жатат.  

Эске салсак, буга чейин жараксыз абалга келген көпүрөнүн ордуна узундугу 18 метр, туурасы 10 метрди түзгөн жаңы көпүрөнү куруу жумуштары былтыр күз айларында башталган. Ал эми жергиликтүү тургундардын ыңгайлуулугу үчүн альтернативдүү каттам берилип, убактылуу көпүрө да курулган.  

Ушундай эле жумуштар Катыраңкы-Кара-Алма жолунда да жүрүп, № 52 ЖТИ тарабынан узундугу 15 метр, туурасы 10 метрди түзгөн көпүрөнүн курулушу уланып жатат. Катыраңкы айылы менен Кара-Алма айылын байланыштырган көпүрөнү июль айына чейин бүткөрүү пландалууда.

Транспорт жана коммуникациялар министрлигинин маалымат кызматы