Жаз – жарыш! Жолчулар тарабынан аткарылган иштердин түрмөгү

Министрликтин алдындагы Жол тейлөө ишканалары тарабынан жол жээгин бекемдɵɵ, суу түтүктөрүн тазалоо, коопсуздукту алдын алуу максатында жол жээгиндеги бактарды кыюу жана жолдорду тегиздөө, аң-чɵнɵктɵрдү жамоо иштери уланууда.

 

№39 Жол тейлɵɵ ишканасы тарабынан Алмата-Бишкек-Ташкент, Бишкек-Красный строитель, Маевка-Ала-Арча суу сактагычына барчу жолдордогу аң-чɵнɵктɵрдү жамоо иштери жүрүп жатат.

№8 Жол тейлɵɵ ишканасы тарабынан Нарын районундагы Нарын — Баетов унаа жолунун 56-чакырымындагы кɵпүрɵнүн жээгин бекемдеп, суунун нугун буруу жумуштары аткарылууда.

Бишкек-Нарын-Торугарт унаа жолунда парапеттердин түбүндөгү кум шагылдарды тазалоо, таштандыларды тазалоо иштери жүрдү.

 

Өлкө аймагындагы убактылуу кароодогу шагыл жолдорду жаан-чачындан кийинки калыбына келтирүү үчүн сүрүп, тегиздөө иштери Түп районундагы Михайловка-Николаевка-Токтоян унаа жолунун 13-33-чакырымдарында, Ат-Башы районундагы Ача-Кайыңды-Май-Босого автожолунун 14-45-чакырымдар аралыгында жана Ат-Башы-Кында-Торугарт жолунун 3-30 — чакырымында жүргүзүлдү.

 

Транспорт жана коммуникациялар министрлигинин маалымат кызматы