Бишкектин түндүк айланма жолунун курулушу: Демонтаждоо иштери уланууда

Бишкек шаарынын түндүк айланма жолун реконструкциялоо менен кеңейтүү иштеринин алкагында Транспорт жана коммуникациялар министрлиги жана муниципалитет тарабынан жол жээгинде жайгашкан курулуштарды демонтаждоо иштери уланууда.

Бүгүн, 6-февраль күнү “Кыргызавтожол-Түндүк” мамлекеттик ишканасынын № 39 Жол тейлөө мекемеси тарабынан Бишкек-Нарын-Торугарт унаа жолунун 13-чакырымындагы мыйзамсыз курулуштар буздурулду.

Аны менен катар алгачкы 6 тилкелүү трассанын курулушун колго алган подряддык компания тарабынан бүгүнкү күндө даярдык иштери башталды.

Белгилей кетсек, 33,4 чакырымды түзгөн түндүк айланма жолунун 2025-жылы 15 чакырымын асфальттоо пландалууда.

Транспорт жана коммуникациялар министрлигинин маалымат кызматы