Алматы-Бишкек Экономикалык коридорунун транспорт жана инфраструктурасын өнүктүрүү боюнча биргелешкен кыргыз-казак жумушчу тобунун алтынчы отуруму болуп өттү

2025-жылдын 28-мартында Алматы шаарында (Казакстан) Азия өнүктүрүү банкынын колдоосу менен Алматы-Бишкек Экономикалык коридорунун транспорт жана инфраструктурасын өнүктүрүү боюнча биргелешкен кыргыз-казак жумушчу тобунун алтынчы отуруму болуп өттү.

Жумушчу топтун отуруму Кыргыз Республикасынын Транспорт жана коммуникациялар министринин биринчи орун басары Талантбек Солтобаев жана Казакстан Республикасынын Транспорт министрлигинин автомобиль жолдору боюнча комитетинин төрагасынын орун басары Жамбыл Бахтияровдун катышуусунда болуп ɵттү.

Жолугушуунун жыйынтыгында, тараптар, «Алматы-Ысык-Көл» альтернативдик автожолунун долбоорунун техникалык шарттарынын жана ТЭНнин негизги параметрлеринин курамын талкуулап, фундаменталдуу чечимдерди кабыл алышты.  «Алматы-Бишкек» электроавтобустарын тейлөө долбоорун илгерилетүү боюнча мындан аркы кадамдарды аныктап, жогоруда белгиленген чечимдерди жыйындын протоколуна кол коюу менен бекитишти.

Тараптар долбоордун жүрүшүн тездетүү үчүн зарыл чараларды көрүүнү макулдашышты.

Кыргыз Республикасынын Транспорт жана коммуникациялар министрлигинин басма сөз кызматы