Ала-Бука-Жаңы-Базар-Кировка авто жолунун курулушу уланууда

Ала-Бука менен Чаткалды бириктирген жолдун 100 чакырымын капиталдык ондоо долбоору каралып, 2023 –жылы курулуш иштери  башталган.  Ушул жылы Ала-Бука-Жаңы-Базар-Кировка авто жолунда каралган асфальт жумуштары толугу менен аяктоо пландалууда. Буга чейин аталган жолдун  32 чакырымына асфальт тɵшɵлгɵн. 

         Учурда 29-чакырымдан 88-чакырымдар аралыгында жол бетин тегиздɵɵ, жол жээгин кеңейтүү, тоо этектерин кесүү,  кум-шагыл аралашмасын даярдоо  иштери жүрүүдɵ.

Белгилей кетсек, 35-чакырымдан 88-чакырымга чейин  бир да жолу асфальт тɵшɵлбɵгɵн  шагыл жол болгон. Ал эми калган тилкелеринде эски асфальтты сыйрып, жаңы асфальт тɵшɵɵ иштери баштаганы турат.

Аталган долбоор 4 бөлүккө бөлүнүп, 2 тилкелүү, 11,5 тонна жүк кɵтɵрүмүнɵ ылайыкталган жол болуп салынууда.

Министрликтин маалымат кызматы