mtd@mtd.gov.kg
+996 (312) 31 43 85
KG   RU  

Жолдорду ирээтке келтирүү иштери кызуу жүрүүдө

Транспорт жана коммуникациялар министрлигинин аймактарды тейлеген жолчулары тарабынан кышында камдалган инерттик материалдардын калдыктарын кампага ташуу, таштандыларды тазалоо, кооптуулук жараткан жана куурап калган бак-дарактардын бутактарын кыркуу, аң-чөнөктөрдү толтуруу, жолго чыккан сууларды буруу, шагыл, кара шагыл төгүп тегиздөө жана жолду кеңейтүү иштери аткарылууда.

Ала-Бука-Жаңы-Базар-Кировка унаа жолунун 73-80-чакырым аралыгы 2 автогрейдер жана 1 автожүктөгүч менен сүрдүрүлүп, тегиздөө иштери жүрүүдө. Ошондой эле жолго чыккан суулар бурулуп, таштар терилди.

Бишкек-Нарын-Торугарт унаа жолунун 271-373-чакырымына чейинки аралыгында кыш мезгилинде себилген инерттик материалдардын калдыктарын тазалоо иштери жүрүүдө.

Ошондой эле Бишкек-Нарын-Торугарт унаа жолунда актоо, сырдоо жумуштары жүрүп, №34 жол тейлөө ишканасынын аймагына арча көчөттөрү тигилди.

Эл аралык маанидеги Тараз-Талас-Суусамыр унаа жолунун 63-81-чакырым аралыгындагы жолдун четин ирээтке келтирүү, аң-чөнөктөрдү толтуруу иштерине даярдыктар көрүлүүдө.

Жол четин ирээтке келтирип, тазалоо иштери Бишкек-Манас жолунда дагы жүрүүдө.

Мамлекеттик маанидеги Нарын-Баетов унаа жолунун 9-20-чакырым жана Нарын-Өрүк-Там жолунун 4-20-чакырым аралыктарында куурап калган, кооптуулук жараткан бак-дарактар кыркылып, тазаланууда.

КРдин ТжКМдин басма сөз кызматы