mtd@mtd.gov.kg
+996 (312) 31 49 22
KG   RU   EN

2022-жылдын 8-декабрына карата ашуу жолдорунда автоунаалардын бардык түрлөрүнүн өтүүсүнө эч кандай чектөөлөр жок.

Кыргызгидромет билдиргендей, 2022-жылдын 8-декабрында Ош, Жалал-Абад облустарынын көпчүлүк аймактарында, Чүй, Талас, Баткен, Ысык-Көл, Нарын облустарынын айрым жерлеринде кар жаайт. Чүй, Талас, Ош, Жалал-Абад, Баткен облустарынын кээ бир райондорунда туман түшөт. Жолдор карга толуп, муз тоңгон. Батыштан соккон шамалдын ылдамдыгы секундасына 3-8 метрге жетет.

2022-жылдын 8-декабрында жаан-чачынга жана күтүлүп жаткан жаан-чачынга байланыштуу Кыргызстандын тоолуу райондорунда, Ала-Бука-Каныш-Кыя унаа жолунун 68-75-чакырымдарында (Чапчыма ашуусу) кар көчкүсү күтүлөт. Бул жерлерде да кар күрткүсү,жана муз кубулуштары күтүлөт. Автомобиль жолдорунда кар көчкү коркунучу бар аймактардан өтүүдө унаалардын ортосундагы 500 метр аралыкты так сактоо зарыл.

Төө-Ашуу ашуусунда 2022-жылдын 8-декабрында саат 8:00гө карата ала булут каптап турат, бир аз кар жаайт. Транспорт министрлигинин №9 ЖТМнин кызматкерлери тарабынан карды тазалоо жана инерттүү материалдар менен толтуруу иштери жүргүзүлүүдө. Автоунаалардын бардык түрлөрүнүн өтүүсүнө чектөөлөр жок.

Нарын облусунун аймагындагы Долон, Чар, Акбейит, Түзбел, Торугарт, Кубакы ашууларында кар жаап, жол кызматкерлери жолдогу карды чыгарып, тайгакка каршы материалдарды себүүдө.Ошондой эле, Ала-Бел, Көк-Бел, Өтмөк, Чапчыма жана башка ашуу тилкелеринде кар күрткүсүн чыгаруу жана ага туз, кум салуу иштери жүрүп жатат.

Эске салсак, Жалал-Абад облусунун Ала-Бука-Жаңы-Базар-Кировка унаа жолунун Кара-Бура ашуусу (190-215-чакырымдары), Сары-Кыр ашуусу Казарман-Жалал-Абад унаа жолунун 0-52-чакырымдары жана Нарын районундагы Ат-Башы-Кында-Торугарт тилкесиндеги Кында ашуусу учурда жергиликтүү райондук мамлекеттик администрация башчыларынын буйруктары менен жабылды.

Аба ырайынын ыңгайсыз шарттарына байланыштуу ашуу тилкелерине чыга турган айдоочуларга жайкы дөңгөлөктөрүн кышкысына алмаштырууну, ынтымакта болууну жана жасалма тыгындарды жаратпоо жана ашуулардагы каршы тилкеге ​​чыкпоону сунуштайбыз.

Ошондой эле КР Транспорт жана коммуникациялар министрлиги унаалардын айдоочуларын ашуу тилкелеринен өтүүдө кыйынчылыктарды болтурбоо үчүн өтүүчү тилкелерге кирүүдө кардын чынжырын тагынууга чакырат.Ашуу участокторун кесип өткөндөн кийин жолдорду деформациялап албаш үчүн тегиз жердеги кардын чынжырларын алып салуу керек. Мындан тышкары, өтмөктөрдөн өтүүдө көйгөйлөр жаралбашы үчүн жолго чыгаар алдында унаалардын техникалык абалын текшерүү зарыл экендигин эскертебиз.

КР ТжКМнин басма сөз кызматы